|
There are no translations available
Монгол улсын шинэ болон сэргэж буй халдварт өвчинтэй тэмцэх стратегийн хэрэгжилтийг үнэлэв
Ази, Номхон далайн бүсийн орнуудын халдварт өвчинтэй тэмцэх стратегийн хэрэгжилтийг үнэлэх үндсэн шалгуур үзүүлэлтээр Монгол улсын шинэ болон сэргэж буй халдварт өвчинтэй тэмцэх стратегийн хэрэгжилтийг үнэлэх үнэлгээний уулзалт Эрүүл Мэндийн Яаман дээр 2010 оны 3 сарын 4-5-ны өдрүүдэд амжилттай зохион байгуулагдлаа.
Уг үнэлгээний уулзалтад ДЭМБ-ын Номхон далайн баруун бүсийн мэргэжилтэнүүд, ДЭМБ, ЭМЯ, ХӨСҮТ, БГХӨСҮТ, МХЕГ, Нийслэлийн ЭМГ, Мал эмнэлгийн байгууллагуудын 50 гаруй мэргэжилтнүүд оролцож, санал бодлоо солилцлоо.
Уулзалтын үеэр ДЭМБ-ын Номхон далайн баруун бүсийн мэргэжилтэн Ли Айлан, болон Хут Чуи нар нь Олон улсын Эрүүл мэндийн дүрэм, Ази, Номхон далайн бүсийн орнуудын шинэ болон сэргэж буй халдварт өвчинтэй тэмцэх стратегийн танилцуулга болон манай бүсийн 2010 оны үнэлгээний дүнг тус тус танилцуулав.
Стратегийн хэрэгжилтийг тандалт ба хариу арга хэмжээ, лаборатори, зооноз, халдвар хяналт, эрсдлийн үеийн харилцаа холбоо гэсэн 5 үндсэн шалгуур үзүүлэлтээр үнэлж, 2010-2015 онд шинэ болон сэргэж буй халдварт өвчинтэй тэмцэх талаар цаашид хийх ажлын төлөвлөгөөг боловсруулав.
Эх зохиогч Ч.Мөнхцэцэг
|
