Халдварт өвчний мэдээ - 2010.03.09-ны өдрийн 10 цагийн байдлаар

2010 оны 3 дугаар сарын 09-ны өдрийн өглөөний 9 цагийн байдлыг өнгөрсөн өдрийн мөн үетэй харьцуулахад Улаанбаатар хотод:

- эмнэлгийн амбулатороор үйлчлүүлсэн хүний тоо 1326-аар буурч, томуу, томуу төсөт өвчний учир үзүүлсэн тоо 216-аар нэмэгдсэн, хэвтэн эмчлүүлж байгаа нийт хүний тоо 1452-аар цөөрч, ТТӨ-ний улмаас хэвтэж байгаа өвчтөн 967-оор буурч, хүнд өвчтөний тоо 73-аар, ЯТТ-ын дуудлага 946-аар, ТТӨ-ий дуудлага 567-оор буурсан,

- Хүүхдийн түргэний дуудлага 459, үүнээс ТТӨ-ний дуудлага 357-оор тус тус буурсан үзүүлэлттэй байна.

- Батлагдсан орноос давж илүү гарсан өвчтөн хэвтүүлж буй орны ачаалал 533, эдгэрч гарч байгаа өвчтөн болон шинээр хэвтэж байгаа өвчтөний тоо 145/148, үүнээс эдгэрч гарсан хүүхэд болон шинээр хэвтсэн хүүхдийн харьцаа 130/108 байлаа.

- Улсын хэмжээнд A(H1N1) –ийн нийт батлагдсан тохиолдол 1384 үүнээс Улаанбаатарт 844, хөдөөд 540, нийт нас барсан тохиолдол 30, өнөөдрийн байдлаар ХӨСҮТ-д 11 хэвтэн эмчлэгдэж байгаа бөгөөд тэдний биеийн байдал сайжирч, эмнэлгээс гарах болж байна. Сүүлийн өдрүүдэд A(H1N1)-ийн сэжигтэй гэсэн дуудлага ирээгүй байна.

- Баянзүрх дүүргийн нэгдсэн эмнэлэгт эмнэл зүйгээр сэжигтэй гэсэн оноштой 8 хүн эмчлэгдэж байгаагаас 3 нь хүнд байдалтай эмчлэгдэж байгаа юм байна.

Энэ баярын үеэр нийтийн анхаарал татахаар хурц халдварт өвчин, хоолны хордлого гараагүй, тайван байсан байна.

ХӨСҮТ-ийн сургалт, хэвлэл мэдээллийн алба.

Томуугийн А хүрээний шинэ вирусийн халдвараас сэргийлэх

туршлага судлах хамтарсан уулзалтийн мэдээ

Замын үүд дахь Засгийн газрын бүрэн эрхт төлөөлөгчийн санаачилгаар БНХАУ-ын Эрээн хотод 2009 оны 11 сарын 10-11-ний өдрүүдэд Томуугийн А хүрээний шинэ вирусийн халдвараас сэргийлэх ажлын туршлага солилцох уулзалтад ЭМЯ, ХӨСҮТ, МХЕГ, НМХГ-ын төлөөлөгчид оролцлоо. Эрээн хотод 2009 оны 10 дугаар сарын 12-нд томуугийн эхний тохиолдол илэрсэн бөгөөд нийт 12 хүн томуугийн А хүрээний Н1N1 вирүсийн халдвартай болох нь лабораторийн шинжилгээгээр батлагдаж эмчлэгдсэн байна. Эдгээрээс 6 нь Олон улсын хэлний сургуульд сурч буй монгол хүүхдүүд байсан байна. Мөн 700 гаруй хүнд халуурах шинж тэмдэг илэрсэн тул лабораторийн үзлэг шинжилгээ хийлгүйгээр томуугийн эмчилгээг шууд хийж, эмчилжээ. Эрээн хотод томуугийн шинж илэрсэн хүмүүс нь бүгд цэцэрлэг, сургуулийн насны хүүхдүүд байсан байна. Нас барсан тохиолдол байхгүй байна.

ЭМЯ
Томуугийн халдварын Эмнэлзүйн зөвлөх багаас гаргасан зөвлөмж-2
Томуугийн цар тахлын үед эмч нарт өгөх зөвлөмж

• Илрэх шинж:
• 380 хэм ба түүнээс дээш халуурах эсвэл бие эвгүйрхэж жихүүцэх
• Чичрүүдэс хүрэх
• Ханиах
• Хоолой торж өвдөх
• Толгой өвдөх
• Хамраас шингэн нус гарах, хамар битүүрэх /нусгайрах/
• Бие тамирдаж сульдах
• Нүдний ухархайгаар чилж өвдөх
• Хоолонд дургүй болох
• Булчин болон үеэр шархирч өвдөх

ХӨСҮТ-ийн цар тахлын штаб
АУДИО хуралдаан зохион байгуулж эхэллээ

2009 оны 10 дугаар сарын 30-ны өдрөөс эхлэн ХӨСҮТ-ийн цар тахлын штабын хуралдаан, аймаг орон нутагт мэргэжлийн зөвлөлгөө өгөх үйл ажиллагааг аудио хэлбэрээр явуулж эхэллээ. Хурал, цуглааны тоог цөөлөх, аль болох олноор цуглахыг хязгаарлах талаар бусдад зөвлөж байгаагаа ажил хэрэг болгох, халдварын эрсдэлийг бууруулахад Мэдээллийн технологийн дэвшлийг ашигласан энэхүү үйл ажиллагаа нь маш олон талын боломж, давуу тал, ашиг тус үзүүлэхийг өнгөрсөн богинохон хугацааны туршлага харууллаа. ХӨСҮТ-ийн цар тахлын штабын мэргэжлийн багууд өглөө бүр цуглаж 1 цаг 30 минутаас 2 цаг үргэлжилсэн хурал хийж байсан бол штабын бүх гишүүдээс гадна оролцогчдын тоог хязгаарлахгүйгээр, бүх хүмүүс ажлын байрандаа байж 30-40 минутанд багтсан 5 удаагийн аудио хуралдааныг зохион байгууллаад байна.