ХӨСҮТ өнгөрсөн оны 11-р сард Амбулаторийн тасгийн угтах хэсгээ засварлаж ашиглалтад оруулсан байсан билээ. Тэгвэл өнөөдөр /2022.01.05/ иргэдэд үйлчилдэг үндсэн тусламж үйлчилгээний хэсгээ бүрэн засварлаж, тохилог, тав тухтай орчинд иргэдэд үйлчилгээ үзүүлж эхэллээ.

Засварын ажлыг дуусгаж, хүлээн авах арга хэмжээнд ХӨСҮТ-ийн Ерөнхий захирал Ц.Билэгтсайхан, Эмнэлгийн тусламж, үйлчилгээ эрхэлсэн дэд захирал Ц. Чинбаяр, Стратеги төлөвлөлт гадаад харилцаа эрхэлсэн дэд захирал Д.Баярсайхан, Барилга менежмент ХХК-ийн захирал О.Мөнх-Эрдэнэ болон бусад албаны хүмүүс байлцлаа.

Монгол Улсад  халдварт өвчинтэй тэмцэж эхэлсний 97 жил, ХӨСҮТ байгуулагдсаны 20 жилийн ойн хүндэтгэлийн хурлыг 2021 оны 12-р сарын 30-ний өдөр зохион байгуулж шилдгүүдээ тодрууллаа.

Халдварт өвчин судлалын үндэсний төв нь Монгол Улсын Эрүүл мэндийн сайдын 2001 оны 02 дугаар сарын 21-ний өдрийн 34 дүгээр тушаалаар  Халдварын клиникийн эмнэлэг, Халдварт өвчин судлалын төв, Сүрьеэгийн үндэсний  төв, Сүрьеэгийн клиникийн эмнэлгийг тус тус татан буулгаж Халдварт өвчин судлалын үндэсний төв байгуулагдсан түүхтэй.