Рафаэл Интернэйшнл ТББ нь ХӨСҮТ-д хувийн хамгаалах хэрэгсэл хандивлалаа

"COVID -19 халдварын лабораторийн оношилгоо" сэдэвт 2 дахь ээлжний сургалт эхэллээ

ХӨСҮТ-ийн Лабораториуд дээр түшиглэн ДЭМБ-ын дэмжлэгтэйгээр хийгдэж байгаа “COVID -19 цартахлын лабораторийн оношилгоо” сэдэвт сургалтын 2 дахь ээлж өнөөдөр эхэллээ.

Энэ удаагийн сургалтанд ЭХЭМҮТ, Өмнөговь, Сэлэнгэ, Дорноговь аймгууд, Замын Үүдийн эмнэлгийн лабораторийн мэргэжилтнүүд суралцаж байна. Сургалтыг нээж ХӨСҮТ-ийн захирал, Профессор Д.Нямхүү, ДЭМБ-ын Монгол улс дахь Суурин төлөөлөгч Доктор Сергей Деордица нар үг хэлж цартахлын тэргүүн фронтод үүрэг гүйцэтгэж, илрүүлэг оношилгоог амжилттай хийж байгаа мэргэжилнүүддээ баяр хүргэж, амжилт хүслээ.

COVID -19 цартахлын лабораторийн оношилгоо сэдэвт сургалт болж байна

“COVID -19 цартахлын лабораторийн оношилгоо” сэдэвт сургалт ХӨСҮТ-ийн Лабораториуд дээр түшиглэн 2020 оны 8 сарын 31-ээс эхэллээ.

Эхний ээлжийн сургалтанд Ховд, Дорнод, Дархан уул, Орхон аймгийн лабораторийн эмч мэргэжилтнүүд хамрагаж байна.  Өнөөдрийн сургалтанд Академич, АШУ-ы доктор, профессор П.Нямдаваа, АУ-ы доктор, профессор  С.Цогтсайхан нар “COVID-2019 цартахалын үүсгэгч, эпидемиологи, эмнэлзүй”, “Халдварын эсрэг дархлаа, вирүсийн эсрэг дархлааны хариу урвал” зэрэг сэдвээр сонирхолтой лекц уншиж ярилцлага өрнүүллээ. Сургалтаар SARS-CoV-2 илрүүлэх шинжилгээнд сорьц авах техник, хадгалах, тээвэрлэх аргачлал, SARS-CoV-2 илрүүлэх шинжилгээний үеийн халдвар хамгаалал, аюулгүй ажиллагааны дэглэмийн талаар гардан үйлдлийн дадлага сургуулилт хийгдэнэ.

"Улаанбаатар хотын сүрьеэгийн хавьтлын үзлэг хяналтыг сайжруулах нь" төслийн олайн уулзалт боллоо.

БНСУ-ын Солонгосын Үндэсний Сүрьеэгийн нийгэмлэг, ХӨСҮТ-тэй хамтран хэрэгжүүлж буй "Улаанбаатар хотын сүрьеэгийн хавьтлын үзлэг хяналтыг сайжруулах нь" төслийн хүрээнд онлайн уулзалт зохион байгууллаа.

Тус уулзалтанд БНСУ-ын талаас Солонгосын үндэсний сүрьеэгийн нийгэмлэг, STOP-TB Partnership хэлтсийн дарга Ким Кан Хи Солонгосын үндэсний сүрьеэгийн нийгэмлэг, Төслийн менежер Со Сог Хён, Монгол улсын талаас ХӨСҮТ-ийн Ерөнхий захирал Д.Нямхүү, Сүрьеэгийн тандалт судалгааны албаны эмч, мэргэжилтнүүд, Солонгосын үндэсний сүрьеэгийн нийгэмлэгийн Монгол дахь Төлөөлөгчийн газрын мэргэжилтэнүүд оролцов.