Вакцинжуулалт

Вакцинжуулалт

Товлолын дархлаажуулалт:

Монгол Улсын Засгийн газрын 2023 оны 12 дугаар сарын 27-ны өдрийн 472 тоот тогтоолоор батлагдсан заавал хийх дархлаажуулалтын үндэсний товлолын дагуу жил бүр тухайн ондоо 11 настай хүүхдийг (охид болон хөвгүүд) товын дагуу дархлаажуулна.

Дархлаажуулалтыг боловсролын байгууллагад түиглэн түр цэгээр зохион байгуулан. Хэрэв сургуулийн вакцинжуулалтаас хоцорсон тохиолдолд сум, өрхийн эрүүл мэндийн төвд хандаж хийлгэнэ.

Сайн дурын дархлаажуулалт:

Иргэн өөрөө хүссэн тохиолдолд сайн дурын үндсэн дээр вакцинд хамрагдаж болно:

• Бэлгийн харьцаанд ороогүй бол шууд хийлгэнэ.
• Бэлгийн харьцаанд орсон насанд хүрсэн иргэд хүний папиллома вирус илрүүлэх шинжилгээнд хамрагдаж, халдвар аваагүй тохиолдолд ХӨСҮТ-ийн санй дурын дархлаажуулалтын кабинетад хийлгэж болно.
• 9-13 настай хүүхдэд 1 тун, 14-с дээш насны хүмүүст 3 тунгаар дархлаажуулна.
• Нэг тунгийн үнэ 23,000 төгрөг

ХПВ-ийн вакциныг хэдэн тунгаар, хэдэн насанд хийх тухай зөвлөмжийг ДЭМБ-ын “Дархлаажуулалтын асуудлаарх Шинжээчдийн Стратеги Зөвлөл”-өөс 2022 оны 4-р сарын хурлаар гаргасан. https://www.who.int/news-room/events/detail/2022/04/04/default-calendar/sage_meeting_april_2022