ХАЛДВАРТ ӨВЧИН СУДЛАЛЫН ҮНДЭСНИЙ ТӨВ, БНСУ-ЫН СОЛОНГОСЫН ҮНДЭСНИЙ СҮРЬЕЭГИЙН НИЙГЭМЛЭГИЙН ХАМТЫН АЖИЛЛАГААНЫ ХҮРЭЭНД УУЛЗАЛТ ЗОХИОН БАЙГУУЛЛАА.
- ХӨСҮТ нь 2015 оноос хойш БНСУ-д төвтэй Солонгосын үндэсний сүрьеэгийн нийгэмлэг (СҮСН)-тэй сүрьеэ өвчинтэй тэмцэх, сэргийлэх чиглэлээр хамтран ажиллаж байна. Энэ хугацаанд Улаанбаатар хотод “Сүрьеэгийн хавьтлын илрүүлэлт, хяналтыг сайжруулах нь” төслийг II үе шаттайгаар амжилттай хэрэгжүүлж байна.
- Хамтын ажиллагааны хүрээнд 2025 оны 8 дугаар сарын 6-ны өдөр ХӨСҮТ-д уулзалт зохион байгууллаа.
- Тус уулзалтад ХӨСҮТ-ийг төлөөлж Ерөнхий захирал, Анагаах ухааны доктор С.Энхболд, дэд захирал О.Батбаяр, Сүрьеэгийн тандалт судалгааны албаны дарга Г.Гантунгалаг болон тасгийн эрхлэгч, эмч нар оролцлоо.
- БНСУ-ын Солонгосын үндэсний сүрьеэгийн нийгэмлэгийн төлөөлж Олон улсын хамтын ажиллагааны төвийн дарга Жан Сын Жүн, Олон улсын хамтын ажиллагааны төвийн төслийн менежер Со Сог Хёнг, Олон улсын хамтын ажиллагааны төвийн мэргэжилтэн Ким Сон Жонг, Эрүүл мэндийн төслийн төвийн дарга (Лабораторийн мэргэжилтэн) Ан Бёнг Чол, Эрүүл мэндийн төслийн багийн ахлах (Рентген техникч) Ун Жин Хи, СҮСН-ийн Монгол дахь Төлөөлөгчийн газрын төслийн зохицуулагч Б.Төрбат, захиргааны менежер, орчуулагч М.Лхагвасүрэн нар оролцлоо.
- Уулзалтаар дараах асуудлыг хэлэлцлээ. Үүнд: БНСУ-ын Сөүл хотод 2025 оны 9-р сарын 16-17-ны өдрүүдэд болох “Сүрьеэгүй Ази Тивийг бий болгох арга замыг эрэлхийлэх нь” олон улсын эрдэм шинжилгээний наймдугаар хуралд тус ХӨСҮТ-өөс оролцох төлөөлөгчид, хэлэлцүүлэх илтгэл, бэлтгэл хангах талаар
- Монгол Улсад хэрэгжүүлж буй сүрьеэгийн төсөл 2026 онд дуусах тул цаашид төслийг үргэлжлүүлэх, ялангуяа сүрьеэгийн оношилгоо, эмчилгээний чиглэлээр гарч буй шинэ технологийг нэвтрүүлэх талаар
- Одоо хэрэгжиж буй төслийн явцын хяналт, түүнтэй холбоотой ойрын хугацаанд шийдвэрлэх зарим асуудлууд
- БНСУ-ын СҮСН-ийн Монгол дахь Төлөөлөгчийн газар байгуулагдсаны 10 жилийн ойг тэмдэглэх зэрэг асуудлыг хэлэлцэж санал солилцлоо.
Мэдэгдэл
Лавлах утас
Мэдэгдэл
"English speaking club"
