Глобаль сангийн дэмжлэгтэй төслийн хүрээнд гэрээт ажилчид сонгон шалгаруулах зар

Байгууллагын нэр

Халдварт өвчин судлалын үндэсний төв

Байгууллага, тасаг нэгж

Сүрьеэгийн тандалт судалгааны алба, сүрьеэгийн лавлах лаборатори

Ажлын байрны нэр

Оношлогооны сүлжээг оновчтой болгох (DNO) үнэлгээний зөвлөмжийн хэрэгжилт хариуцсан лабораторийн мэргэжилтэн

Гүйцэтгэх үндсэн үүрэг

1. ХДХВ/Сүрьеэгийн хамтын ажиллагааг бэхжүүлэх, GeneXpert (GXP) төхөөрөмжийг хамтран ашиглалтыг дэмжих;

• ХДХВ болон Сүрьеэгийн хөтөлбөрүүд, нийгмийн эрүүл мэндийн лабораториудын хооронд хэлэлцүүлэгийг удирдан зохион байгуулж, GeneXpert төхөөрөмжийг ХДХВ-ийн вирусын ачаалал (VL), нярайн эрт илрүүлэг (EID), сүрьеэгийн шинжилгээнд хамтран ашиглах талаар тохиролцоонд хүргэх;
• Хүний нөөц, сургалтын хэрэгцээ, нийлүүлэлтийн сүлжээ, засвар үйлчилгээний төлөвлөгөөнд гарах өөрчлөлтийг үнэлж санал дэвшүүлэх;
• Үндэсний оношлогооны стратеги, DNO-ийн зөвлөмжтэй уялдуулан хамтын ажиллагааны нэгтгэсэн загвар боловсруулах.

2. GeneXpert/TrueNAT төхөөрөмжийн байршуулалт ба ашиглалтад хяналт тавих

• ЭМЯ болон түнш байгууллагуудтай хамтран GeneXpert, TrueNAT төхөөрөмжийн байршуулалт, ашиглалтын газрын зураг гаргах, шинэчлэх;
• Ашиглалтын хувь, шинжилгээний бүтээмж, газар нутгийн хүртээмж (жишээ нь, дундаж үйлчилгээний зай) зэрэг гол үзүүлэлтүүдийг хянаж, 2026 он гэхэд 62%-ийн ашиглалтын түвшинд хүрэх зорилтыг хангах;
• Гүйцэтгэл сул бүсүүдийг тодорхойлж, оновчтой болгох арга хэмжээний санал боловсруулах хэрэгжүүлэх.

3. Сорьц тээвэрлэх үндэсний тогтолцоог оновчтой болгох

• ХДХВ/Сүрьеэгийн сорьц тээвэрлэх сүлжээний үндэсний үнэлгээ хийж, гүйцэтгэлийн хүндрэл, саадыг илрүүлэх;
• Сорьц цуглуулах цэг, тээврийн төв, шинжилгээний лабораторийн уялдаа холбоог хангах “hub-and-spoke” загварыг боловсруулж хэрэгжүүлэхэд чиглүүлэх;
• Сорьц тээвэрлэлтийн үр ашиг, хугацаа, чанарыг хянах үзүүлэлт, хяналтын хэрэгсэл боловсруулах.

4. Техникийн туслалцаа үзүүлэгч болон үндэсний түнш байгууллагуудтай хэрэгжилтийн уялдааг хангах

• ХДХВ-ийн шинжилгээний алгоритм, оношлогооны үнэлгээ хийх техникийн туслалцааны үйл ажиллагаанд холбогч цэгийн үүрэг гүйцэтгэх;
• Техник туслалцааны зөвлөмж болон DNO хэрэгжилтийг ЭМЯ-ны тэргүүлэх чиглэлтэй уялдуулах;
• Түнш байгууллагуудын хооронд давхардалгүй, тогтвортой хэрэгжилтийг хангах;
• DNO хэрэгжилтийн тайланг улирал тутам, хагас жил, жилээр бэлтгэн гаргах.

Албан тушаалын ангилал

Гэрээнд заасны дагуу

Орон тоо

            1

Боловсрол

Хүний их эмч/био-анагаах эсвэл нийгмийн эрүүл мэндийн чиглэлээр бакалавр

Нарийн мэргэшил

• Лабораторийн эмч / био-анагаахын мэргэжилтэн /нийгмийн эрүүл мэндийн чиглэлээр мэргэшүүлэх сургалтад сурацлсан
• Магистр зэрэгтэй бол давуу талтай

Ажлын туршлага

• Лабораторийн тогтолцоог бэхжүүлэх, оношлогооны зохицуулалт, эсвэл нийтийн эрүүл мэндийн хөтөлбөр хэрэгжүүлсэн 3–5 жилийн ажлын туршлагатай;
• Сүрьеэ болон/эсвэл ХДХВ-ийн оношлогооны систем, лабораторийн чанарын удирдлагын талаар туршлагатай;
• GeneXpert, TrueNAT зэрэг молекул оношлогооны талаар гүнзгий мэдлэгтэй

Ур чадвар

• Судалгаа, дүн шинжилгээ, зохион байгуулалт, харилцааны ур чадвартай;
• Англи хэлний унших, бичих өндөр чадвартай;
• Microsoft Office болон тайлангийн програмуудыг ашиглах чадвартай Интернетийн орчин, дотоод сүлжээнд чөлөөтэй ажиллах

Тусгай шаардлага

• Төрийн албан хаагчийн болон Эмнэлгийн мэргэжилтний ёс зүйн хэм хэмжээ, төрийн байгууллагын соёл, дэг журмыг сахин ажиллах
• Ажлын ачаалал дааж, тогтвор суурьшилтай ажиллах

Байгууллагаас өгөх хангамж, урамшуулал

Глобаль сангийн дэмжлэгтэй сүрьеэгийн төслийн хүрээнд батлагдсан санхүүжилтийн дагуу

Байгууллагын хаяг

БЗД-ийн 14-р хороо Нам-Ян-Жугийн гудамж

Холбогдох ажилтан, утас, имэйл

ХӨСҮТ, Захиргааны байр 1 давхарт 204 тоот hr@nccd.gov.mn

Бүрдүүлэх материал:

• Ажилд орохыг хүссэн өргөдөл
• Төрийн албан хаагчийн анкет
• Бакалавар, үндсэн болон төрөлжсөн мэргэшлийн диплом (нотариат)
• Иргэний үнэмлэх (нотариат)
• “4х6” хэмжээтэй 2 хувь цээж зураг
• Ажлын туршлага болон ур чадварыг нотлох баримт бичиг

Материал хүлээн авах хугацаа

2025.11.03-2025.11.07-ны өдрийг дуустал