Глобаль сангийн дэмжлэгтэй төслийн хүрээнд гэрээт ажилчид сонгон шалгаруулах зар

Байгууллагын нэр

Халдварт өвчин судлалын үндэсний төв

Байгууллага, тасаг нэгж

Сүрьеэгийн тандалт судалгааны алба, сүрьеэгийн лавлах лаборатори

Ажлын байрны нэр

GeneXpert/TrueNAT төхөөрөмжийн ажиллагаа болон сорьц тээвэрлэлтийн хэрэгжилт хариуцсан ажилтан

Гүйцэтгэх үндсэн үүрэг

1. GeneXpert/TrueNAT төхөөрөмжийн ажиллагаа ба засвар үйлчилгээ

• Шинээр суурилуулсан GeneXpert/TrueNAT төхөөрөмжийн угсралт, тохируулга, ажиллагааны бэлэн байдлыг хангахад дэмжлэг үзүүлэх;
• Аймаг/дүүргийн лабораторийн ажилтнуудад төхөөрөмжийн ашиглалт, өдөр тутмын арчилгаа, доголдлын шийдвэрлэлт, мэдээлэл бүртгэлд техникийн туслалцаа үзүүлэх;
• Шинжилгээний тоо хэмжээ, картрижийн хэрэглээ, тоног төхөөрөмжийн ажиллаагүй хугацаа, үйлчилгээний бүртгэлийг хянах;
• Урвалж, картриж болон хэрэглэгдэхүүний захиалга, түгээлтийг цаг хугацаанд нь зохион байгуулахад ХӨСҮТ-тэй уялдуулах.

2. Сорьц дамжуулалт ба тээврийн төвийн хэрэгжилт

• Сорьц тээврийн төв (“hub”) болон сорьц цуглуулах цэгүүдийг байгуулах, стандартчилах, чадавхжуулах ажлыг дэмжих;
• Улаанбаатар хот дотор болон сумаас аймгийн төвийн лабораторид сорьц тээвэрлэлтийг хянах;
• Сорьц цуглуулах, савлах, шошголох, бүртгэх журам (SOP)-ыг мөрдүүлэх;
• Сорьцын урсгал, эргэлтийн хугацаа, алдагдлыг хянаж, үр ашиг, найдвартай байдлыг сайжруулах санал дэвшүүлэх.

3. Чадавхжуулалт ба дэмжлэгт хяналт

• Лабораторийн ажилтнуудад зориулсан молекул биологийн шинжилгээ болон сорьцын менежментийн сэдвээр танхимын болон онлайн сургалт зохион байгуулах;
• Лаборатори, тээврийн төвүүдэд тогтмол дэмжлэгт хяналт-шинжилгээ хийх, санал дүгнэлт, үйл ажиллагааны тайлан гаргах;
• Стандарт үйл ажиллагааны аргачлал /SOP/, сургалтын гарын авлага, хяналтын хэрэгслийг боловсруулах, шинэчлэхэд оролцох.

4. Мэдээлэл цуглуулалт ба тайлагнал

• GeneXpert/TrueNAT шинжилгээ болон сорьц тээвэрлэлтийн гүйцэтгэлийн мэдээллийг шинэчлэн хөтлөх;
• Ашиглалтын хувь, дамжуулалтын үзүүлэлт, засвар үйлчилгээний асуудлын талаар сар, улирлын тайлан гаргах
• DNO хэрэгжилтийн зохицуулалтын хуралд оролцож, орон нутгийн гүйцэтгэл, тулгамдсан асуудлыг танилцуулах, шийдвэрлүүлэх.

Албан тушаалын ангилал

Гэрээнд заасны дагуу

Орон тоо

            1

Боловсрол

Биоанагаах/лабораторийн технологийн бакалавр зэрэгтэй

Нарийн мэргэшил

• Молекул биологийн чиглэлээр мэргэшсэн бол давуу талтай

Ажлын туршлага

• Лабораторийн оношлогоо эсвэл молекул биологийн шинжилгээний чиглэлээр 1–3 жилийн ажлын туршлагатай (GeneXpert төхөөрөмжийн туршлага бол давуу талтай);
• Сорьц боловсруулах, мэдээлэл оруулах, чанарын хяналтын үйл ажиллагаанд туршлагатай.

Ур чадвар

• Компьютерийн хэрэглээ, мэдээлэл оруулах, тайлан бичих чадвартай;
• Харилцаа, багийн ажилд сайн, бие даан ажиллах чадвартай;
• Англи хэлний анхан шатны мэдлэгтэй

Тусгай шаардлага

• Төрийн албан хаагчийн болон Эмнэлгийн мэргэжилтний ёс зүйн хэм хэмжээ, төрийн байгууллагын соёл, дэг журмыг сахин ажиллах
• Ажлын ачаалал дааж, тогтвор суурьшилтай ажиллах

Байгууллагаас өгөх хангамж, урамшуулал

Глобаль сангийн дэмжлэгтэй сүрьеэгийн төслийн хүрээнд батлагдсан санхүүжилтийн дагуу

Байгууллагын хаяг

БЗД-ийн 14-р хороо Нам-Ян-Жугийн гудамж

Холбогдох ажилтан, утас, имэйл

ХӨСҮТ, Захиргааны байр 1 давхарт 204 тоот hr@nccd.gov.mn

Бүрдүүлэх материал:

• Ажилд орохыг хүссэн өргөдөл
• Төрийн албан хаагчийн анкет
• Бакалавар, үндсэн болон төрөлжсөн мэргэшлийн диплом (нотариат)
• Иргэний үнэмлэх (нотариат)
• “4х6” хэмжээтэй 2 хувь цээж зураг
• Ажлын туршлага болон ур чадварыг нотлох баримт бичиг

Материал хүлээн авах хугацаа

2025.11.03-2025.11.07-ны өдрийг дуустал