ТОМУУГИЙН ЭСРЭГ ДАРХЛААЖУУЛАЛТАД ХАМРАГДААГҮЙ ХҮҮХДҮҮД ХҮНДРЭХ ХАНДЛАГАТАЙ БАЙНА

ХӨСҮТ-ийн Эрчимт эмчилгээний тасагт томуугийн улмаас уушгины хатгаагаар хүндэрч амьсгалын дутагдалд орсон 0-1 насны хоёр хүүхэд эмчлүүлж байна.

Эдгээр хүүхдэд хийсэн вирусийн болон нянгийн сорьцоор H3N2, амьсгалын замын синцитиаль вирусийн халдвар илэрсэн ба бага насны хүүхэд маш хурдан хүндрэх шалтгаан болж байна.

Хүндрэхгүй байя гэвэл халдвараас сэргийлэх нь л чухал. Халдварлах зам нь маш тодорхой. Амьсгалаар, бохир гараар дамждаг. Тиймээс маскаа зүүж, гараа сайн угааж, амаа зайлах нь энгийн бөгөөд ач холбогдол өндөртэй арга юм.